మరో థ్రిల్లర్ మూవీలో త్రిష

తెలుగులో కథానాయికల పోటీ గట్టిగా ఉండటంతో, త్రిష వరకూ అవకాశాలు వెళ్లే పరిస్థితి లేదు. కానీ తమిళంలో మాత్రం ఆమెను వెతుక్కుంటూ అవకాశాలు బాగానే వస్తున్నాయి. తమిళంలో చేసిన సినిమాలు ఎలాగూ తెలుగు ప్రేక్షకుల ముందుకు వస్తున్నాయి కనుక, ఆమె తెలుగు సినిమాలకి దూరమైందని ఇక్కడి ఆడియన్స్ భావించడం లేదు.

 ఈ క్రమంలో త్రిష '96' అనే సినిమాతో పాటు 'గర్జనై' అనే మరో సినిమా చేస్తోంది. '96' మూవీలో విజయ్ సేతుపతి సరసన ఆమె నటిస్తోంది. ఇక 'గర్జనై' కథ త్రిష ప్రధాన పాత్రగా ఆమె చుట్టూనే తిరుగుతుంది. థ్రిల్లర్ నేపథ్యంలో రూపొందుతోన్న ఈ సినిమా, బాలీవుడ్ హిట్ మూవీ 'ఎన్ హెచ్ 10'కి రీమేక్. నిన్ననే ఈ సినిమాకి సంబంధించిన ఫస్టు లుక్ ను త్రిష వదిలింది కూడా.