మరోసారి బాలకృష్ణతో వినాయక్ సినిమా..?

తాజాగా ఫిల్మ్ నగర్లో ఒక వార్త హల్ చల్ చేస్తోంది. బాలకృష్ణతో వినాయక్ ఒక సినిమా చేయనున్నాడనేదే ఆ వార్త సారాంశం. 'ఖైదీ నెంబర్ 150' సినిమాతో వినాయక్ భారీ విజయాన్ని అందుకున్నాడు. ఆయన తదుపరి సినిమా పట్ల అందరిలోను ఆసక్తి వుంది. ఈ నేపథ్యంలో బాలకృష్ణకి వినాయక్ ఒక లైన్ చెప్పాడట.

 ఆ లైన్ నచ్చడంతో .. పూర్తి స్క్రిప్ట్ సిద్ధం చేసి వినిపించమని ఆయన అన్నాడట. దాంతో వినాయక్ ఆ పనిలో వున్నాడని అంటున్నారు. సీనియర్ రైటర్స్ స్క్రిప్ట్ పై కసరత్తు చేస్తున్నారని చెబుతున్నారు. అయితే సాయిధరమ్ తేజ్ తో వినాయక్ ఒక సినిమా చేయనున్నట్టు రీసెంట్ గా వార్తలు వచ్చాయి. ఆ ప్రాజక్టును వినాయక్ చేస్తున్నాడా? లేదా? అనే విషయంలో క్లారిటీ లేదు. ఒక వేళ చేస్తే అది బాలకృష్ణ మూవీకి ముందు ఉంటుందా? తరువాత ఉంటుందా? అనే విషయంలో స్పష్టత రావలసి వుంది.