'కాటమరాయుడు' వచ్చేది ఆరోజే

'కాటమరాయుడు' సినిమా కోసం పవన్ అభిమానులంతా ఆత్రుతగా ఎదురుచూస్తున్నారు. ఈ సినిమాను 'ఉగాది' పండుగ సందర్భాన్ని పురస్కరించుకుని మార్చి 29వ తేదీన విడుదల చేయనున్నట్టు ఆమధ్య చెప్పారు. ఆ తరువాత మార్చి 24వ తేదీన రిలీజ్ చేసే ఛాన్స్ ఉందనే టాక్ వచ్చింది. అదే డేట్ ను ఫిక్స్ చేసుకున్నారనేది తాజా సమాచారం.

 మార్చి 24న అయితే వసూళ్ల పరంగా మరింత కలిసి వస్తుందనే ఉద్దేశంతోనే ఆ డేట్ ను ఖరారు చేసుకున్నట్టుగా తెలుస్తోంది. ఇటీవల వదిలిన ఈ సినిమా టీజర్ కి అనూహ్యమైన స్పందన వస్తోంది. దాంతో దర్శక నిర్మాతలు ఈ సినిమాపై మరింత కాన్ఫిడెంట్ గా ఉన్నారు. గతంలో పవన్ - శ్రుతి హాసన్ కాంబినేషన్లో వచ్చిన 'గబ్బర్ సింగ్' మాదిరిగా, ఈ సినిమా సంచలన విజయాన్ని నమోదు చేస్తుందని భావిస్తున్నారు.