హాలీవుడ్ భామలను వెనక్కు నెట్టిన ప్రియాంక

మూడు పదుల వయసు దాటుతోందంటే చాలు.. హీరోయిన్స్ కు క్రేజ్ తగ్గుతుంటుంది. కానీ.. ప్రియాంక వంటి కొందరికి మాత్రం క్రేజ్ ఇంకాస్త పెరుగుతుంది. బాలీవుడ్ నుంచి హాలీవుడ్ వైపు అడుగులేసిన ప్రియాంక... క్వాంటికో సీరియల్ తో తనకంటూ వరల్డ్ వైడ్ గా ఓ గుర్తింపు సంపాదించుకుంది. అంతేకాదు.. ఇప్పుడు ప్రపంచ అందల భామల్లో సెకండ్ ప్లేస్ కొట్టేసింది పీసీ.

ఇటీవల బజ్నెట్ అనే ఓ ఆన్ లైన్ పోర్టల్ వరల్డ్ బెస్ట్ అందాలభామలపై ఓ సర్వే నిర్వహించింది. ఈ సర్వేలో పాప్ సింగర్ బెయాన్స్ ఫస్ట్ ప్లేస్ లో నిలవగా.. సెకండ్ ప్లేస్ లో ప్రియాంక నిలచింది. ఏంజెలీనా జోలీ.. ఎమ్మా వాట్సన్.. ఎమ్మా స్టోన్.. గిగి హదీద్ వంటి హాలీవుడ్ టాప్ బ్యూటీస్ అంతా ప్రియాంక తర్వాతి స్థానాల్లో నిలవడం విశేషం. మొత్తానికి ఓ భారతీయ బ్యూటీగా హాలీవుడ్ భామలను సైతం వెనక్కు నెట్టేసింది ప్రియాంక.